Алтернатива Настани

Премиера „Осамениот запад“ од Мартин МекДона-Театар навигатор Цветко

Сподели:


Театар навигатор Цветко „ОСАМЕНИОТ ЗАПАД“ од Мартин МекДона, Кино Култура 

ПРЕМИЕРА – петок, 2 ноември 2018 – 20 часот
РЕПРИЗА – сабота, 3 ноември 2018 – 20 часот

Режија: Јане Спасиќ

Играат: Оливер Митковски, Ненад Митевски, Драган Довлев, Матеа Јанковска
Сценографија: Енес Деари
Костимографија: Бранкица Јордановска
Превод на текстот: Горјан Милошевски и Јане Спасиќ

Дизајн на плакат: Немања Трајковиќ

Преку црн ирски хумор „Осамениот запад“ раскажува приказна за двајца браќа кои под влијание на околностите имаат особен начин на гледање на реалноста и специфичен однос. Линејн е мало место кое морално ги корумпира своите жители, дури и Отецот/ Пасторот е немоќен да ги врати работите на „прав пат“. Единствената шанса е можеби во младата Грлин, но тоа останува да видиме.

Мартин МекДона, еден од најдобрите автори на Британската современа драма, на пошироката јавност познат и по своите филмови “In Bruges”, “Seven Psychopaths” и “Three billboards outside Ebbing, Missouri“ за кој ја доби наградата за оригинално сценарио на Златен Глобус, а за истото беше номиниран за Оскар во 2018. Kариерата ја започнува како драмски автор и прави бум во Лондон со двете трилогии за земјата од која потекнува – Ирска. Четири негови драми меѓу кои и „Осамениот запад“ се номинирани за најпрестижната театарска награда „ТОНИ“. Тој е првиот драмски автор, по Шекспир, кому во Лондон истовремено му се изведуваат 5 драмски дела. „Осамениот запад“ е своевиден крај на неговата прва трилогија сместена во малото ирско гратче Линејн.

Оваа претстава е дел од проектот „Направете место за младите театарџии“ со кој Театарот на Навигатор Цветко и Кино Култура имаат цел да поттикнуваат нова театарска продукција и да афирмираат млади автори.

Проектот е поддржан од општина Центар и Министерството за култура на Р.Македонија.

Претставата е камерна со 80 седишта.

Билети може да се купат во просториите на Кино Култура (Луј Пастер бр. 3, Скопје) по цена од 300 денари во:
четврток, 13.00-17.00 часот
петок, 13.00-20.00 часот
сабота, 18.00-20.00 часот

Сподели: