Вести Свет

Радев: Бугарија не прифаќа лекции за демократија од Турција

Сподели:

Бугарскиот претседател Румен Радев изјави дека неговата земја нема да прифати лекции за демократија од Турција.

-Бугарија не им дели на другите лекции за демократија, но и не прифаќа, пред се, не од држави кои не го почитуваат владеењето на правото, истакна Радев.

Изјавата следеше откако претседателот на Турција, Реџеп Таип Ердоган ја критикуваше Бугарија, поради „вршење притисок“ врз Турците во дијаспората, кои во Бугарија се најголемо етничко малцинство

Радев посочи дека се надева оти општите избори во Бугарија, што ќе се одржат в недела, ќе бидат мирни.

-Бугарија е европска земја која ги следи своите закони, а не туѓите емоции, посочи Радев.

Бугарија минатата недела ја обвини Турција дека се меша во бугарските избори, откако беше објавено дека еден турски министер се заложил за партијата ДОСТ, една од двете политички фракции, кои претставуива повеќе од 500.000 бугарски Турци.

Сподели: