Алтернатива Скопје Чита

Васко Попа – Високата школа на љубовта

Сподели:

Vasko-Popa-8_zpsdca37b80

Пред луњата во Луксембуршкиот парк
Мојот стар пријател филозоф
За момент се враќа
Во далечните шуми на својата младост

На излет во Карпатите
Нашата млада дружина ја фаќа луња

Ни пали молњи во косите
Разбива громови низ тиловите
И нè руши наземи
Заедно со боровите

Девојките врескаат запомагаат
А ни момчињата не се држат подобро
Јас најмладиот им се дерам

Што тука ми се пренемагате
Лесно ви е вам да умрете
Сите вие веќе сте ебеле

Како јас да умрам

Париз, 1975

Сподели: