Вести Свет

БАН КИ-МУН: ДА НЕ СТАНЕМЕ СВЕДОЦИ НА НЕВИДЕНА ХУМАНИТАРНА КАТАСТОРФА ВО АЛЕПО

15-06-15-714303808-887x640

Генералниот секретар на ОН, Бан Ки-мун, предупреди за невидена досега хуманитарна катастрофа во Алепо и ги повика Русија и САД брзо да дојдат до договор за прекин на огнот во градот и на другите места низ Сирија, пренесува БТА.

„Во Алепо има опасност да станеме сведоци на досега невидена хуманитарна катастрофа по петте години крвопролевања и страдања во сирискиот конфликт“, наведува Бан во својот месечен извештај за Сирија, адресиран до Советот за безбедност на ОН.

Тој потсетува дека битката за територии и ресурси во Алепо се води со напади врз станбени квартови.

Генералниот секретар уште потсетува и на користењето на напалм бомби, што досега го зедоа животот на стотици цивили, а меѓу нив и на десетици деца.

Бан го повтори повикот на ОН за најмалку 48-часовен прекин на огнот во Алепо, за да може да се достави неопходната помош.

Сподели: