Спорт

Нова МВП титула за Стеф Кари, но сега за првпат во историјата едногласно!

Сподели:

Стеф Кари од Голден Стејт повторно ја освои МВП наградата како најкорисен кошаркар во регуларниот дел од сезоната во НБА лигата.

Stephen Curry - NBA KIA Most Valuable Player

Кари и минатата година беше МВП, а оваа година влегува во историјата како прв кој едногласно го добил ова престижно признание.

Тој оваа сезона го предводеше Голден Стејт до рекордната низа во првенството од 73 победи и само 9 порази, а сезонава имаше 30,1 поени, 5,4 скокови и 6,7 асистенции по натпревар, со погодени 50,4% на обидите од поле, односно 45,4%  за три поена.

Во регуларниот дел постигна 403 тројки, што е нов рекорд во НБА лигата. Втор во изборот беше крилниот играч на Сан Антонио, кој е најдобар дефанзивец во лигата, Каваи Ленард, трет е Леброн Џејмс од Кливелнд, а на четвртото и петтото место се најде двоецот на Оклахома, Расел Вестбрук и Кевин Дурент.

mvp 2

Стеф Кари им се придружи на Тим Данкан, Боб Пети, Карл Мелоун и Стив Неш коишто, исто така, двапати ја освојувале наградата за најкорисен играч во лигата.

Рекордер е Карим Абдул-Џабар со 6 признанија, по 5 имаат Мајкл Џордан и Бил Расел, Вилт Чембрлен и Леброн Џејмс по 4, а Мозес Мелоун, Лери Бирд и Меџик Џонсон по 3 мвп признанија.

The post Нова МВП титула за Стеф Кари, но сега за првпат во историјата едногласно! appeared first on Спорти.

Source: Sporty

Сподели: