Вести Свет

ТУРЦИЈА: Забрана за јавни собири во Анкара поради опасност од напади

Сподели:

turkey-flag_1880505110

Градските власти на Анкара синоќа воведоа забрана за одржување на јавни собири и манифестации во градот, поради стравување дека тие би можеле да бидат цел на терористички напади.

Во соопштение објавено на интернет страницата на градската управа се наведува дека до 30 номеври 2016 година се забрануваат сите собири и манифестации на јавни места, како што се булевари, плоштади, улици и паркови.

 Како што објавија турските медиоуми, градските власти на Анкара наведуваат дека ваквата одлука е донесена по добиените разузнавачки информации дека „терористички организации се подготвуваат за напади“.

Одлуката за забраната за јавните собири е прогласена врз основа на одредбите од решението за воведување на вонредна состојба во земјата, донесено од страна на турските власти по обидот за воен преврат од 20 јули годинава, која на 11 овој месец беше продолжена за уште три месеци.

Сподели: