Деветнаесет пожарникари со 5 противпожарни возила и две пумпи за испумпување на вода работеле синоќа на санирање на штети од невремето што го погоди Неготино.
-Општина Неготино, од 16:10 до 16:30 часот, беше зафатена од силен ветер и поројни врнежи од дожд, се направени штети, паднати дрва, кровови од куќи и гаражи, паднати бандери, паднати фолии на земјоделци и слично. За санирање на штети на терен биле ангажирани 13 пожарникари со три ПП возила од ТППЕ Неготино и шест пожарникари со 2ПП возила и две пумпи за испумпување на вода од ТППЕ Кавадарци, информираат утрово од ЦУК. Од таму додаваат дека екипите завршиле со работа до 23.00 часот.
