Вести Македонија

Оливер Спасовски: Три прекршочни пријави за Диме Спасов

Сподели:

 

OLIVER SPASOVSKI

-Врз основа на сите факти, констатирано е дека Туарегот е управуван од дополнителниот заменик министер за труд и социјална политика, Диме Спасов, рече министерот за внатрешни работи, Оливер Спасовски.

Тој појасни дека Спасов во двете сообраќајки кои ги направил го напуштил местото на настанот и не ги почитувал знаците и наредбите од полицијата за застанување со возилото.

– Утврдени се оштетите настанти при случувањето на двете незгоди. При тоа и според сите факти, а врз основа на законот за безбедност во сообраќајот ќе бидат поднесени пријави за напуштање на местото на настанот, бидејќи не постапил по барањата на полицијата и не го сопрел возилото на време, рече Спасовски.

 МВР најави дека пријавите ќе бидат соодветно процесуирани и надлежните институции ќе треба да се произнесат во врска со нив. Според министерот, се уште се преземаат дејствија врз основа на поплаката која Спасов ја поднел во МВР.

– Утврдено е дека во возилото имало сопатник, Т.К. која дала изјава своерачно потпишана дека лицето Д.С. управувал со возилото и дека немало никакви дејствија, дека никој не тропал или удирал по возилото, рече Спасовски и додаде дека лицето М.Т. кое лажно сведочело дека го возело Туарегот нема да добие кривична пријава за давање на лажен исказ.

извор: а1он.мк

Сподели: