Во пресрет на почетокот на вториот рок за упис во Универзитетот „Мајка Тереза“ во Скопје, градоначалникот на Чаир Висар Ганиу заедно со ректорот на овој академски храм, проф.д-р Изет Зеќири потпишаа Договор, со кој Општина Чаир доделува 20 стипендии за студенти кои на овој универзитет ќе студираат на дефицитарните насоки: Мегатроника, Индустриски менаџмент и Електроенергетика.
Ганиу изјави дека овој чин претставува важен чекор за академско унапредување на нашето општество, но и за зајакнување на пазарот на трудот, кој има толку голема потреба да има професионалци во своите редови дури и во дефицитарните насоки.
–Воедно, му честитав на ректорот Зеќири за прекрасната работа што ја прави во унапредувањето на Универзитетот „Мајка Тереза“ и изразив подготвеност од страна на Општина Чаир секогаш да бидеме силен поддржувач на оваа академска институција, изјави градоначалникот Ганиу.
