Вести Македонија

Подари ѝ Климатска Акција на својата планета

Сподели:

 

Со повик за #КлиматскаАкција Министерството за животна средина и просторно планирање се приклучува кон одбележувањето 22. април, Денот на планетата Земја. И уште поголема мотивација е што оваа година ја одбележуваме 50-годишнината од воспоставувањето на овој ден како меѓународен ден на кој целата светска јавност ја манифестира подготвеноста да го заштити својот единствен дом за живеење- планетата Земја.

 

Огромните предизвици – но и огромните можности – за дејствување во врска со климатските промени го истакнаа ова прашање како најгорливата тема достојна за одбележување на овој јубилеј. На крајот на 2020 година, од народите ќе се очекува да ги зголемат своите национални обврски кон Договорот од Париз за климатските промени од 2015 година, и токму сега е време граѓаните да се повикаат на поголема глобална амбиција за решавање на климатската криза.

 

Но, за нас Денот на планетата Земја е многу повеќе од еден ден, а наша цел е #КлиматскаАкција да стане практикувано секојдневно однесување.  Во специфични услови на пандамија, ограничени можности за движење и дигитализација на сите наши активности, ја упатувме јавноста да ја посети националнатакомуникациска платформа https://klimatskipromeni.mk/activities#/index/main  која е изработена во партнерство со Програмата за развој на Обединетите нации УНДП (проекти поврзани со климатски промени) за да се информира за бројните климатски акции што ги преземаат поединци, домаќинства, бизнис заедницата, граѓанските здруженија, младите, но  во исто време и да ги внесе сопствените климатски акции. На овој начин ќе добиеме поширока слика за националната амбициозност за надминуавање на климатската криза, а воедно преку конкретни примери ќе упатиме повик за креативност, иновации, амбиција и охрабрувањеза  искористувањена огромните можности за движење кон и создавање на иднина со нула јаглероден отпечаток.

 

А можеби оваа година со седењето дома и рестрикција на човековите активности ќе и го дадеме најголемиот подарок на оваа наша единствена планета Земја.

Сподели: