Вести

Словачка од денеска го презема претседавањето со ЕУ

Сподели:

slovacka-eu

Словачка од денеска го презема претседавањето со Европската Унија, кое ќе трае до 1 јануари 2017 година. Претходните шест месеци со ЕУ претседаваше Кралството Холандија.

Главна тема на која ќе биде фокусирана Словачка, во текот на своето претседавање со Унијата, ќе биде кризата по референдумот во Велика Британија, на кој граѓаните одлучија земјата да ја напушти ЕУ.

Словачкиот министер за надворешни работи, Мирослав Лајчак, порача дека во претстојните преговори за новите односи меѓу ЕУ и Велика Британија ќе биде покажана флексибилност, но дека нема да има посебен договор со Лондон.

Тој истакна дека Словачка ќе ја поддржи политиката на отворени врати за прием на нови земји членки во ЕУ.

meta.mk

Сподели: