Денеска министерот за внатрешни работи Оливер Спасовски, за време на работната посета во Белград, Република Србија, а по повод потпишување на Протоколот за начинот на извршување на гранични проверки на заедничкиот граничен премин „Лојане – Миратовац“, ја посети македонската Амбасада во Белград, каде што оствари средба со вршителот на работи во Амбасадата на РС Македонија во Белград, Михаела Веселинов.
![](https://denesmagazin.mk/wp-content/uploads/2023/02/332256276_5575023525937059_3521723618050537405_n-1024x682.jpg)
На средбата стана збор за напредокот на регионалната иницијатива Отворен Балкан, започната од РС Македонија, Република Србија и Република Албанија, со цел солидарност и добрососедство, а во функција на унапредување на регионалната соработка и олеснување на движењето на луѓе, стоки и услуги, за подобар живот и стандард на нашите граѓани.
Министерот Спасовски уште еднаш ја потврди заложбата на МВР да се слуша гласот на секој еден македонски иселеник во странство.
„МВР е вистински сервис за граѓаните, со ефикасен и економичен одговор за потребите на граѓаните. Секој еден наш граѓанин во дијаспората е важен, продолжуваме со иницирање и забрзување на веќе отпочнатите активности, во насока на подобрување на услугите на нашите граѓани во државите во кои живеат”, истакна министерот Спасовски.
![](https://denesmagazin.mk/wp-content/uploads/2019/12/SEMM-baner_MK.jpg)