Новиот претседател на Врховниот суд на Република Македонија, Јово Вангеловски, денеска во највисокиот суд во државата, на негова покана, имаше оделни средби со републичкиот јавен обвинител, Марко Зврлевски, и со претседателот на Адвокатската комора, Никола Додевски.
Вангеловски во 13 часот требаше да одржи средба и со специјалната јавна обвинителка Катица Јанева, но поради неодложни обврски Јанева го одложи состанокот. Вангеловски соопшти дека дополнително ќе биде закажан нов термин за средба со Јанева.
По средбата, Вангеловски и Зврлевски изјавија дека состанокот бил во насока на подобрување на комуникацијата помеѓу Врховниот суд и Јавното обвинителство.
Претседателот на Врховниот суд и претседателот на адвокатската комора Додевски, кој му е адвокат на лидерот на ВМРО-ДПМНЕ, Никола Груевски, и на други осомничени и обвинети во случаите на СЈО, меѓу кои и бизнисменот Сеад Кочан, средбата ја оценија како многу продуктивна за подобрувањето на позицијата на адвокатите во правосудниот систем.
meta.mk
