Вести Македонија

ВМРО-ДПМНЕ: Заев да се откаже од платформата

Сподели:

Гласот на народот не смее да биде изманипулиран од аболираниот Зоран Заев, кој поради криминалот во кој е заглавен, прифаќа секакви уцени, вклучувајќи и формирање на влада по нотите од Тирана, се вели во редовното утринско соопштение од ВМРО-ДПМНЕ.

„Целта за растурање на Македонија постои речиси цела деценија, но сега ја има својата кулминација бидејќи одредени фактори однадвор во аболираниот Заев најдоа човек подготвен по секоја цена да дојде на власт за да се спаси од кривичен прогон. Сакајќи да се спаси, Зоран Заев ја жртвува Македонија. Последиците од реализирање на тиранската платформа ќе бидат катастрофални, затоа ВМРО-ДПМНЕ го охрабрува да се откаже од уцената“, велат од партијата.

Доколку Заев се откаже од платформата, од ВМРО-ДПМНЕ повторуваат дека ќе дадат поддршка за малцинска влада, а втората опција што ја предлагаат се нови парламентарни избори заедно со локалните.

Сподели: