Вести Македонија Ударни вести

ЗАЕВ: Не очекувам препреки во екстрадицијата на Грујевски и Бошковски

Сподели:

Премиерот Зоран Заев денеска изјави дека не очекува поради политички причини да биде попречена екстрадицијата на Горан Грујевски и Никола Бошкоски од Грција во Македонија.

Одговорајќи на новинарски прашања при посетата на Драчево, Заев рече дека Македонија има воспоставена соработка со Грција и очекува да биде спроведено меѓународното право, а поранешниот началник на Петтата управа во МВР, Грујевски и неговиот колега Бошкоски, кои се обвинети од СЈО да бидат екстрадирани.

– Не очекувам да се јави политичка причина за да се спроведе меѓународното право. Македонија има склучено вакви договори со Грција. И во минатото, со преходната власт, Македонија немаше проблем во сите други аспекти, освен проблемот со името. Навистина имаме соработка со Грција од секој можен аспект.

Министерствата за внатрешни работи и за правда соработуват и верувам ќе покажат соработка на дело, бидејќи тие се надлежни. Искрено не очекувам потреба од каква било политичка интервенција затоа што се работи за две соседни земји кои се пријатели. Опстојува еден горлив политички проблем кој верувам во периодот пред нас ќе го решиме заедно – изјави Заев.

Сподели: