Одбиено е барањето на СЈО за мерки притвор за поренешните министри Елизабета Канческа-Милевска и Владимир Пешевски, но и за Тони Трајковски, градоначалник на Гази Баба. За Мендух Тачи е одбиена мерката на претпазливост.
Специјалното јавно обвинителство подготвува приговори на решенијата на Кривичниот совет при Основниот суд Скопје 1, за неопределување мерка притвор за обвинетите, за кои тимот на Катица Јанева бараше мерка за обезбедување присуство. Од СЈО за Макфакс велат дека тоа ќе го направат од понеделник, бидејќи законскиот рок е 3 дена од добивањето на решението.
Заклучно со денеска, Судот одби 8 барања за притвор од вкупно поднесени 18. За најголемите случаи, во кои е обвинет врвот на ВМРО-ДПМНЕ, сè уште Судот се нема произнесено.
Притвор не добија: Ејуп Алими и Исмет Гури, Драган Павловиќ Латас, Владимир Пешевски, Елизабета Канческа Милевска, Ѓоко Поповски, Тони Трајковски и лицето Л.Л. Ц.
