Американскиот претседател Џо Бајден се очекува да објави нови трговски мерки против Кина.
Новите царини ќе влијаат, меѓу другото, и на електричните автомобили, пишува Wall Street Journal и додава дека во моментов се плаќа царина од 25% за кинеските ЕВ, како и дополнителни 2,5% за сите увезени автомобили.
Од утре, пак, тарифата ќе биде четири пати повисока – на кинеските електрични автомобили ќе биде 100%, што очигледно ќе ги направи кинеските автомобили неконкурентни на пазарот. Новите високи такси ќе важат и за суровини, полупроводници, батерии и производи поврзани со соларни панели.
Белата куќа одби да го коментира ова, а преку политиката на тарифи, САД успеаја да ги задржат кинеските електрични автомобили на дистанца, што не е баш случај во Европа.
Неколку странски производители на автомобили, вклучувајќи го и кинескиот Polestar, сè повеќе бараат да го локализираат своето производство за американскиот пазар, па производството на моделот Polestar 3 ќе се одвива локално во САД од средината на оваа година.
Минатиот месец, под притисок на САД, Мексико престана да нуди федерални стимулации за кинеските производители на автомобили да отворат производствени капацитети во земјата.
