Партнерите на ВЛЕН во Владата, кои ВЛЕН ги бранеше и легитимираше во секој аспект, денес го овеличуваат Ратко Младиќ и Дража Михаиловиќ. Иван Стоилковиќ, министер во Владата во која учествува ВЛЕН и Министер за локална самоуправа, е дел од ова политичко партнерство кое ВЛЕН го прифаќа и го брани заради власта.
Ратко Младиќ не е фигура за дебата или историска интерпретација. Тој е осуден воен злосторник со доживотен затвор за геноцид, злосторства против човештвото и воени злосторства, одговорен, меѓу другото, за геноцидот во Сребреница, каде што беа убиени повеќе од 8.000 мажи и момчиња бошњаци. И ова не е ниту изолиран случај, ниту некаква моментална грешка од страна на партнерите на ВЛЕН: Иван Стоилковиќ и неговата српска партија постојано покажувале такви ставови, нарекувајќи го масакрот во Сребреница „некрофилски Дизниленд“. Токму овој политички профил и овој однос кон еден од најстрашните геноциди во Европа по Втората светска војна, ВЛЕН го има за партнер во Владата, додека и еден раководител избран од самиот ВЛЕН во институцијата надлежна за правата на заедниците е вклучен во овеличувањето на Младиќ.
И што прави ВЛЕН? Се однесува како да е невладина организација или опозициска партија: чека да реагира јавноста, народот и другите партии, а потоа излегува со некаква формална реакција за да си ги измие рацете. Но ВЛЕН не е набљудувач. ВЛЕН е во Владата и е соодговорен за партнерите што ги одржува на власт и за сè што толерира заради фотелјите.
Во оваа состојба не стигнавме случајно. Стигнавме како резултат на политичари кои личната кариера ја ставија над сè и кои трпат, молчат и толерираат. Го толерираа доаѓањето на Милорад Додик и неговите антиевропски и проруски говори; во меѓувреме ВЛЕН изгради економски и енергетски односи и партнерства со структури од Србија и Република Српска, од Алта Банка до договорите во енергетскиот сектор и проектите за гасификација.
Затоа, овеличувањето на воените злосторници од страна на партнерите на ВЛЕН не е изолиран инцидент. Тоа е дел од политика на молк, толеранција и потчинување кон партнерите во власта. „Српскиот свет“ длабоко навлезе во политичките и институционалните структури на земјата, за што постојано се изразува загриженост и во европските извештаи, додека ВЛЕН избра да биде дел од оваа реалност.
ВЛЕН повеќе не може да се крие зад реакција на Фејсбук. Молкот пред овеличувањето на геноцидот е толеранција, а толеранцијата во власта е соодговорност. Заради неколку фотелји, ВЛЕН избра да владее заедно, да молчи и да толерира. Историјата ќе ја памети оваа заедничка историја на ВЛЕН со неговите партнери: молк пред овеличувањето на злосторниците и потчинување пред власта, се наведува во денешната реакција на ДУИ.
фото ДУИ
