На Плоштад „Скендербег“, Европскиот Сојуз за Промена ја отвори заедничката канцеларија на коалицијата.
На отварањето на канцеларијата учествуваа претседателите на трите партии: Алтернатива, Движење Беса и Демократско Движење, каде за прв пат и официјално се претстави и Движењето Самоопределување од Косово, со нејзиниот претставник г-дин. Беким Ќоку како дел од опозицискиот фронт, каде што, пред присутните одржаа и говор.
Изет Меџити меѓудругото истакна: „Ме радува фактот дека на овој убав сончев ден, во нашиот опозициски фронт се приклучи и Движењето Самоопределување, и дека после промената во Косово и во Прешевска долина, заедно ќе ја носиме долгоочекуваната промене и кај албанците во Северна Македонија.“
Билал Касами пред присутните изјави: „Нашата Влада ќе биде поинаку, како што сме денес во оваа канцеларија во доста фреквентно место, меѓу вас, вака заедно со вас ќе го правиме и владеењето, идејќи кај граѓаните за да сме поблиску до нив и да ги решиме загрижувањата и потребите на граѓаните.“
Африм Гаши додаде: „Добродојдовте на отварањето на оваа канцеларија во срцето на Чаршијата, секоја темна ноќ има и зора, секоја студена зима ја очекува пролетта, и тука кај нас на 8 Мај и дефинитивно ќе доаѓа албанската пролет и сите заедно во оваа канцеларија ќе ја прославиме големата победа.“
Беким Ќоку, советник на Премиерот Албин Курти меѓу другото кажа: „Движењето Самоопределување станува четвртиот столб на овој опозициски фронт за да ја донесе долгоочекуваната промена во Северна Македонија. Тука денес се обраќам и како поранешен член на Алијансата за Албанците, знаејќи го духот и менталитетот на оваа партија, ги повикувам да бидат дел од оваа победничка коалиција за заеднички да ја направиме големата промена.“
Инаку, оваа канцеларија ќе биде отворена за сите граѓани и ќе служи како центар за организација на активности на Европскиот Сојуз за Промена.
