Вести Македонија Топ теми Ударни вести

ЕВН: Имплементација на дневната евтина тарифа за сите достапни броила

Сподели:

ЕВН Македонија заврши со имплементација на дневната евтина тарифа за сите достапни броила што се воведе од 1. октомври годинава.

– Согласно планот, прилагодувањето на броилата се спроведуваше во период од четири отчитувачки недели, почнувајќи од 25 септември до 24 октомври. На екранот на секое прилагодено броило се покажува Т2 индикатор во периодот од 14:00 до 16:00 часот секој работен ден и сабота, информираат од ЕВН Македонија.

Истакнуваат дека и покрај тоа што тимови на компанијата ги посетиле сите мерни места, потребата од физички контакт на тимовите со броилата го оневозможило спроведувањето на дневната евтина тарифа за недостапните броила.

– Ова, потенцираат, значи дека броилата до кои немавме пристап, се уште не се прилагодени, а тие се најчесто викендици или моментално иселени корисници.

ЕВН Македонија во наредните недели најавува дека ќе продолжи со приспособување на останатите броила кои биле недостапни, како дополнителен план за спроведување на дневната евтина тарифа.

Сподели: