Вести

Француските железници во штрајк на 9 дена пред „Еуро 2016“

Сподели:

francuska-zeleznica

Француските железници почнаа штрајк и делумно го парализираа транспортот во земјата се одвива со тешкотии, на само девет дена пред почетокот на Европското фудбалско првенство „Еуро 2016“, чиј домаќин е Франција, јавува „Би-би-си“.

Како што соопштиле од државната железничка компанија (СНЦФ) се очекува да сообраќаат 60 отсто од брзите возови и само дел од останатите транспортни услиги на железницата.

Трговските синдикати протестираат против измените на работното време, а штрајкот доаѓа среде масовните протести, против најавените измени во законот за работни односи.

Новиот закон треба да се најде пред Сенатот, овој месец, откако претходно помина во долниот дом, без гласање.

Францускиот претседател, Франсоа Оланд инсистира да нема повлекување на законот и покрај масовните протести кои траат неколку месеци и резултираа со судири меѓу демонстрантите и полицијата, минатиот четврток.

Лидерот на опозацијата, Никола Саркози, го обвини Оланд дека „прави грешки уште од самиот почеток“ во справувањето со кризата.

„Туркањето на законот со сила ја оневозможува дебата. Ако не ја прифатите дебатата во парламентот, тогаш таа се сели на улиците“, рекол Саркози, пренесува „Би-би-си“.

http://meta.mk/frantsuskite-zheleznitsi-vo-shtrajk-na-9-dena-pred-euro-2016/

Сподели: