Поради затворање на аеродромот и воздушниот простор во Израел, од денес 22 јуни, евакуацијата на македонските државјани преку Тел Авив е моментално невозможна, соопшти денеска Амбасадата на Република Северна Македонија во Израел.
“Информираме дека воздушниот простор на Израел како и аеродромот, се затворени. Планот за евакуација на странски државјани преку аеродромот Тел Авив засега не е возможен. Има најава за отворање на аеродромот, денес 22 јуни, од 14 часот.
Од Министерството за туризам на Израел сме информирани дека функционира морска рута од Ашдод до Лимасол (Кипар) (компанијата “Mano Shipping”).
Следниот брод со слободни места “Crown Iris” планирано да отпловува од Ашдод на 27 јуни (петок). Можете да купите карти директно од веб страната на компанијата.
Македонските државјани кои немаат никаков валиден пасош, молиме да се обратат до Амбасадата за добивање на Патен лист.
Повелете информацијата од Министерството за туризам на Израел: „On Friday (27.6) the will sail from Ashdod at noon with about 1,500 passengers and will dock in Limassol on Saturday morning. There, Israelis will board on their way back to Ashdod. Docking in Israel on Sunday (29.6) morning. Tickets for both cruises can be purchased on the “Mano Shipping” website“.” – се наведува во соопштението од Амбасадата на Република Северна Македонија во Израел.
извор/фото Македонска амбасада во Израел
