Вести Свет Ударни вести

Прв смртен случај на коронавирус надвор од Кина

 

Бројот на починати од коронавирусот се зголеми на 305, а регистриран е и првиот смртен случај надвор од Кина – на Филипините, каде што почина кинески државјанин (44) од Вухан, од тешко воспаление на белите дробови.

Од кинескиот град Вухан, центарот на епидемијата на коронавирусот, со воени авиони од различни земји се евакуираат странските државјани, кои веднаш по слетувањето се прегледуваат и упатуваат во двонеделен карантин.

Во меѓувреме, се поголем број авиокомпании ги прекинаа летовите кон градот.

Појавата на вирусот е потврдена во повеќе од 25 земји во светот, а бројот на заразени се зголеми на 14.300, пренесува Си-Ен-Ен.

Најголем број починати и заразени има во провинцијата Хубеи и главниот град Вухан, каде што се појави вирусот.

МИА

Сподели: