Гласноговорникот на кабинетот на рускиот претседател, Дмитриј Песков, порча дека утринскиот напад на воената база на силите на режимот Башар ал-асад во Сирија е кршење на меѓународните права на суверена држава, јавува Anadolu Agency (AA).
„Тоа е кршење на меѓународното право на суверена држава. Нападот е изведен од вештачки причини”, рече Песков.
Според соопштението на Пентагон, воздухопловната база Шајрат гаѓана е со 59 проектили Томахавк утрово околу пет часот по локално време. Проектилите се лансирани од американските бродови во домет на базата. Пентагон наведе дека им е познато дека во базата се наоѓаат и руски војници и дека Русија во текот на денот била известена за нападот.
Претседателот на САД Доналд Трамп по ракетирањето на базата на Асад повика на поддршка на тој воен чекор.
