Вести Македонија Ударни вести

Се намалуваат патните трошоци на пратениците

Сподели:

Со 76 гласа „за“ и еден „воздржан“ пратениците ги изгласаа измените на Законот за пратеници со што се намалуваат патните трошоци.

Со законските измени наместо досега утврдените до 30 проценти по изминат километар од продажната цена на еден литар гориво за возилото кое се користи, пратениците ќе добиваат надомест до 20 проценти по изминат километар од продажната цена на еден литар гориво за возилото кое се користи.

Согласно измените на Законот, на пратениците им се овозможува и надомест за закупнина на стан во Скопје. Конкретно, на пратениците кои живеат подалеку од 100 километри од Собранието, им се остава и можноста за закуп на стан, со право на надомест за само четири патувања месечно од и до нивното место на живеење, за да може да контактираат со гласачите.

Намалувањето на патните трошоци доаѓа по притисокот на јавноста поради високите суми што се одлеваа од буџетот за патувањето на пратениците, а се движеа и над 10 000 евра за половина година, кај дел од пратениците.

Сподели: