Вести Македонија

Шилегов: Уставен суд да се стави во одбрана на правото и на правдата

Сподели:

4c963590-57e6-457b-90a7-64be18f184bb

Уставниот суд утре има шанса да покаже дека правото и правдата може да им бидат поважни од исполнувањето на желбите на Никола Груевски, рече денеска на прес-конференција Петре Шилегов, портпарол на СДСМ.

– На седницата закажана за утре, Уставниот суд има можност да се изјасни околу иницијативата за оценување на уставноста на законот за Специјално јавно обвинителство. Одговорноста за владеењето на правото и за еднаквост на сите граѓани пред законот е многу поголема. Станува збор за тоа дали Македонија ќе ја надмине политичката, општествената и правната криза во која се наоѓа. Приоритет за Уставниот суд на државата Република Македонија треба да биде уставноста на законот за СЈО – изјави Шилегов.

Шилегов додаде дека непречената работа на единствената независна институција која вистински се бори против криминалот и корупцијата мора да биде обезбедена и гарантирана.

– За излез од длабоката политичка криза, потребно е итно да се обезбеди владеење на правото и исполнување на сите услови за слободни, фер, демократски и веродостојни избори – рече Шилегов.

http://meta.mk/shilegov-ustaven-sud-da-se-stavi-vo-odbrana-na-pravoto-i-na-pravdata/

Сподели: