Спорт

ВИДЕО: Освои поен со капа во рака – За влакно избегна казна, а погледнете какви рефлекси има!

Сподели:

По изненадувањето во првото коло на АТП купот, Австралија не успеа да подготви уште едно – едноставно не можеше да дојде до подобар резултат против моќната Русија.

фото:twitter/screenshot/tennisTV

Сепак, Австралиецот Џејмс Дакворт е играчот кој го одбележа денот на турнирот во Сиднеј, освојувајќи бод со капа во рака!

Дакворт не успеа да го победи едно од изненадувањата на турнирот, Русинот Роман Сафијулин, 167-от играч во светот, кој беше подобар од Австралиецот со 7:6, 6:4.

Сепак, најнеобичниот поен на натпреварот му припадна на домашниот играч. За време на сервисот му падна капачето од главата, но во истиот момент го фати со левата рака.

Потоа во неколку наврати при поените се обидуваше да ја стави капата на главата, но играта брзо се развиваше, па не му успеа.

Неколку пати се извлекуваше на форхенд за да може со другата рака да го држи капчето и на крајот успеа да освои поен.

Еве како изгледаше тоа:

Патем, Дакворт не можеше само да го фрли капчето на средината на поенот, бидејќи според тениските правила тој поен требаше да му биде доделен на неговиот ривал.

The post ВИДЕО: Освои поен со капа во рака – За влакно избегна казна, а погледнете какви рефлекси има! appeared first on Спорти.

Powered by WPeMatico

Сподели: