По предлог на Комисијата за заразни болести, главниот координативен кризен штаб донесе став да го прифати предлогот на Комисијата, за продолжување на сегашните рестриктивни мерки и за продолжување на полицискиот час. Одлуката ќе ја носи Владата на утрешната седница.
-Утринава одлучивме да доставиме повторно предлог до Владата, односно до владиниот Кризен штаб, овие мерки кои сега се на сила да опродолжат уште една недела. Практично ќе останат на сила истите мерки кои важат до утре, а тоа е забрана за движење на граѓаните после 20 часот до 5 часот изутрина, како и кафулињата, рестораните, кафеаните, сите угостителски објекти да останат затворени. Се предлага и забрана на на одржување на семинари, обуки, конференции кои би значеле собирање поголем број луѓе, како и работата на фитнес центрите, вежбалните и така натаму, порачуваат од Комисијата.
