БРИСЕЛ (АА) – Канцеларијата на белгискиот обвинител потврди дека човекот поради кого во раните утрински часови беше затворен трговски центар во Брисел е уапсен, но ниту кај него ниту во близина на центарот не се пронајдени експлозивни материи, пренесува Anadolu Agency (AA).
“Осомничениот во моментов e на испитување. Експлозив не е пронајден”, рече портпаролката на обвинителството Ина Ван Вимерш.
Белгиските власти рано утринава го затвориja главниот трговски центар во центарот на Брисел, по дојавaта за сомнителен пакет и притоа уапси маж осомничен дека кај себе имал експлозив.
Белгискиот кризен центар, кој ги координира мерките за безбедност, соопшти дека во тек е состанокот во врска со инцидентот на кој присуствува и премиерот Чарлс Мишел.
Инцидентот се случи во трговскиот центар “City 2” во центарот на Брисел. Полицијата, по информацијата ја блокираше целата област, како и блискиот булевар и неколку влезови во метро станицата.
Портпаролката на трговскиот центар, Вероник Пирсон, потврди дека полицијата нашла пакет во близина на трговскиот центар “City 2”.
AA.COM.TR
