Претседателот на Собранието, Талат Џафери до граѓаните упати честитка по повод Меѓународниот ден на трудот, Први мај.
“Први мај ја одбележува борбата за права на работниците и го одржува споменот на жртвите од чикашкиот штрајк поради кој овој датум се одбележува традиционалнo со демонстрации. Исклучително е важно да се поддржуваат работниците, не само за остварување, туку и зголемување на нивните права, особено од нас како креатори и политички чинители. Ниту еден економски напредок не може да биде постигнат без најважниот фактор, а тоа е човечкиот труд и потенцијал. Во овие денови исполнети со предизвици и неизвесност предизвикани од Коронавирусот, вредноста на работниците е уште поскапоцена.
Затоа драги граѓани, дозволете уште еднаш да Ви го честитам Денот на трудот и да ја искажам мојата поддршка во барањата за остварување на Вашите работнички права” – се наведува во честитката до граѓаните.
