Вести Изјави Македонија Ударни вести

Филипче: Студентите по медицина ќе бидат ангажирани во Центрите за јавно здравје

 

Студентите по медицина – иднината на нашето здравство, активно се вклучуваат во поддршка на своите колеги во борбата против ковид-19, изјави министерот за здравство, Венко Филипче.

 

 

Денеска едногласно рекоа дека сакаат и можат да помогнат во периодот кој следува. Нивниот ангажман ќе биде помош на колегите епидемиолози во телефонска комуниција со пациентите, изработка на епидемиолошки анкети и обработка на податоците.

 

 

Во наредните шест месеци, на секои два месеци по 50 нови студенти ќе бидат ангажирани во Центрите за јавно здравје. Со ова, тие ќе им помогнат на здравствените работници кои го носат најголемиот товар во оваа криза. Идните лекари, освен што ќе стекнат искуство, ќе ја реализираат и клиничката пракса по јавно здравје која ја извршуваат во шестата година од студиите и истата ќе им биде признаена.

Сподели: