Вести Македонија Ударни вести

Филипче: За колективен имунитет 60 до 70% од населението треба да се вакцинира

Сподели:

 

Министерот за здравство, д-р Венко Филипче во вечерашното гостување во емисијата „Клик Плус“ на ТВ 21, зборуваше за вакцините и стекнувањето на колективниот имунитет.

 
Во контекст на тоа, Филипче истакна дека претпоставките се дека за колективен имунитет 60 до 70% од населението треба да се вакцинира, што впрочем е генерално правило за имунизација и нешто што сериозно може да ја смени сликата со вирусот.
 
-Тоа што светот не го знае е како ќе се димензионираат превентивните мерки понатаму и по вакцинацијата, истакна Филипче.
 
Во однос на реакциите по вакцината, Филипче рече дека нема нешто што отскокнува, нешто ризично или застрашувачки. Реакциите се вообичаени, досега нема публикации кои укажуваат на нешто невообичаено во споредба со другите вакцини. Конкретно, рече Филипче, во 2019 во МАЛМЕД од други вакцини има само еден случај на несакани дејства и нагласи дека станува збор за прилично сигурен начин и развој на вакцини.
 
-Станува збор за имитација на инфекција, значајно ослабен вирус, тоа што може да се случи е мала треска, температура, црвенило. Не е публикувано за некакви сериозни несакани дејства.- рече Филипче.
 
Во однос на временскиот опсег, колку време вакцината штити од инфекција, Филипче посочи дека од она што досега се знае, станува забор за период од 6 до 9 месеци.
 
-Останува да видиме како ќе се одвива степенот на имунизацијата, колкав ќе биде титарот и дали можеби ковид-19 ќе помине во форма на некаква сезонска инфекција. Досега се прилично сигурни доказите дека сосема е доволна количината на антителата од вакцината за да го заштитат лицето од инфекција.
 
На прашањето дали треба да се вакцинираат и луѓето кои прележале Ковид-19 и дали тоа што ја поминале болеста ги штити од повторна инфекција, Филипче потсети дека во изминатиот период гледавме многу различни сценарија во епидемиолошката,  клиничката и пост ковид слика. Во смисла на асимптоматски пациенти, пациенти со лесна клиничка слика, средна форма на болеста лица кај кои болеста завршила со летален исход.
 
Така што и во пост ковид, сценаријата се ралични – луѓе со антитела и висок титар, понатаму пациенти со низок титар, луѓе кои прележале и имаат антитела, но повторно се заразиле. Во контекст на ова, Филипче рече и луѓето кои ја прележале болеста можат да се вакцинираат.
 

Филипче заклучи дека во однос на ковид-19 допрва ќе треба да учиме и анализираме, а медицинската наука ќе треба да даде одговор на уште многу прашања.

 
Сподели: