Спорт

Франческо Тоти добитник на наградата од претседателот на УЕФА

Сподели:

Изборот за најдобар фудбалер во Европа (UEFA Best Player in Europe) и за најдобра фудбалерка во Европа (UEFA Women’s Player of the Year) за претходната сезона ќе се одржи на 24 август во Монако, соопшти Европската фудбалска асоцијација (УЕФА), јавува Anadolu Agency (AA).

УЕФА оваа година одлучи да воведе и нови категории на награди. Така, 55 членови од жирито на УЕФА и на Европските спортски медиуми (ЕСМ), по еден новинар од земјите-членки на континенталната организација, како и тренерите на екипите во Лигата на шампионите ќе избираат најдобар голман, дефанзивец, играч од среден ред и напаѓач од Лигата на шампионите.

„Тренерите нема да имаат право да гласаат за играчите од својот тим“, истакнаа од УЕФА.

Жирито на УЕФА и на ЕСМ ќе го избере најдобриот играч на Европската Лига.

Од оваа година е воведена и специјална награда од претседателот на УЕФА, а прв добитник на оваа награда е Франческо Тоти, како признание за исклучително долгата кариера.

Сподели: