Спорт

И втор пораз од Словенија во подготовките за квалификациите за ЕП 2017

Сподели:

Македонската кошаркарска репрезентација со нов втор пораз ги заврши подготовките за настап во квалификациите за пласман на Европското првенство 2017 година.

трофеј македонија

Македонските кошаркари во Марибор загубија и во вториот меч против Словенија овојпат со 82-67.

Македонија одигра добро прво полувреме, по кое Словенците имаа предност од само пет поени 43-38.

Но до новиот пораз избраниците на Драган Раца ги однесе лошиот финиш на третата и стартот на последната четвртина.

Македонските играчи во последните три и пол минути од третиот период не постигнаа кош од игра, во тој период реализираа само три слободни фрлања, а во последната четвртина цели четири минути беа без поени.

На крајот Словенците предводени од Препелиќ кој постигна 18 кошеви запишаа убедлива победа.

Македонија ја предводеа браќата Стојановски, Војдан постигна 14, а Дамјан 12 поени.

македонија

Квалификациите за пласман на Евробаскетот во 2017 година Македонија ќе ги започне против Луксембург на 31.август, а противници во групата уште ќе бидат Велика Британија и Унгарија.

Инсерти од мечот…

[youtube https://www.youtube.com/watch?v=3HsugefkOxA]

The post И втор пораз од Словенија во подготовките за квалификациите за ЕП 2017 appeared first on Спорти.


Source: Sporty

Сподели: