Претседателот Ѓорге Иванов денеска во Ватикан ќе има аудиенција кај поглаварот на Римокатоличката црква, папата Франциск, а ќе оствари средба и со државниот секретар на Светиот престол, кардиналот Пјетро Паролин, соопштија од кабинетот на претседателот.
На аудиенцијата ќе присуствува и министерот за надворешни работи во заминување Никола Попоски, кој ќе го придружува Иванов на средбата со кардиналот Паролин во Апостолската палата.
Иванов, во рамки на манифестацијата „Македонија во чест на Св. Кирил“вчера ја посети базиликата „Свети Климент” во Рим каде положи венец на гробот на Св. Кирил.
