На 5 декември во 20 часот, во Чифте амам, Танц Фест и Интерaрт културен центар ја претставува современата танцова претстава “heartquake” , кореографско дело на Екин Тунчели за животот на нестабилно тло, буквално и метафорично.
Инспирирана од политичките и географските реалности на Турција, претставата истражува како нестабилноста влијае врз начинот на кој се движиме, размислуваме, се приспособуваме и ја замислуваме иднината.
Низ телото и движењето, heartquake зборува за кревкоста, неизвесноста и човечкиот напор повторно да се изгради нешто. Кога сè околу нас се менува и распаѓа, што ни останува освен поддршката што си ја даваме едни на други?
Доаѓањето на heartquake во Скопје носи особено значење. Земјотресот од 1963 година останува дел од живата меморија на градот, но и од неговата приказна за обновување и солидарност. Во просторот на Чифте амам, претставата отвора размислување за тоа како искуствата на прекин и загуба остануваат во личната и колективната меморија и како продолжуваме понатаму во услови на неизвесност.
5 декември 2026, 20:00 часот, Чифте амам, Скопје Времетраење: 42 минути
Кореографија и концепт: Екин Тунчели
Создадено со: Gizem Seçkin, Diren Ezgi Yıldızkan, Halil İbrahim Aygün и Ufuk Fakıoğlu
Изведуваат: Barış Diker, Diren Ezgi Yıldızkan и Gizem Seçkin
Музика: Ah! Kosmos, Ekin Tunçeli, Cucina Povera & Haron и Dinamarca
Супервизија: Jennifer Lacey и Stina Nyberg
Супервизија на звук: Barış Bingöl
Костим: Mert Yemenicioğlu
Дизајн на светло: M. Ali Dönmez
Поддршка за турнејата: Aerowaves Network и EFFEA #4
Повеќе информации и билети:
https://interart.com.mk/…/heartquake-ekin-tuncheli…/


