Вести Изјави Македонија Став Ударни вести

Ковачевски: Нема да дозволиме енергетската криза да удри силно врз џебот на граѓаните

Сподели:

 

„Електричната енергија и затоплувањето на Скопје ни беа двете теми на кои се фокусираме периодов. Сè ќе направам граѓаните да имаат топли радијатори и кажав дека како Влада ќе направиме и преземање на БЕГ се со цел државата да обезбеди топлинска енергија. Сега практично доаѓам од седница на Владата и тоа е веќе завршено“, рече премиерот Димитар Ковачевски во емисијата „Само интервју“ за Канал 5 Телевизија.

Премиерот Ковачевски додаде дека заради кризната состојба со топлинската енергија на седница на Влада е донесена одлука за преземање на Скопје Север и на БЕГ и за тоа државата има финансии, 130 милиони евра, од кои дел ќе се намени за тие потреби.

„Имаме стари луѓе, имаме деца, имаме болни и не може да ги оставите без греење и не ги оставивме. ВМРО-ДПМНЕ неосновано критикува, а не спомнува дека БЕГ (Балкан Енерџи Груп) е направен во 2012 година на начин каков што е, но тоа е работа на Јавното обвинителство“, додаде премиерот Димитар Ковачевски.

Нема да дозволиме енергетската криза силно да удри врз џебот на граѓаните. Ние не го прелеавме зголемувањето на електричната енергија и трошоците за парно, кај граѓаните, поголем дел од товарот е кај нас, посочи Ковачевски додавајќи цените на одделни основни производи се замрзнати на цената на 1 декември 2021 година за да не се создаде ценовен шок за граѓаните.

Сподели: