Кристијано Роналдо со голот против Велс во полуфиналето на ЕП, го израмни рекордот на францускиот легендарен фудбалер, Мишел Платини.
Роналдо и „друштвото“ славеа против Велс со 2:0 на вчерашниот прв полуфинален натпревар на Европското првенство и го обезбеди „билетот“ за финалниот дуел кој Португалија ќе го игра со подобриот од вечерашниот дуел помеѓу Франција и Германија.
Ѕвездата на Реал Мадрид синоќа во Лион го постигна првиот гол, а тоа беше вкупно девети гол за него на Европските првенства.
Со тоа, Кристијано Роналдо го израмни рекордот на француската легенда Мишел Платини кој досега беше неприкосновен – прв на табелата со најдобри стрелци на Европските првенства.
Кристијано Роналдо од своите девет голови на Европските првенства, три ги постигна на ова ЕП и има шанса да осамне на врвот на листата со најдобри стрелци доколку успее да постигне гол во големото финале.
The post Кристијано Роналдо во друштво на Мишел Платини! appeared first on Спорти.
Source: Sporty
