По средбата со премиерот Димитар Ковачевски, лидерот на ВМРО-ДПМНЕ, Христијан Мицкоски побара Владата да го отфрли францускиот предлог, а тој да се откаже од барањето за предвремени избори.
„Му понудив на Ковачевски да излезе и да го одбие предлогот, а јас ќе се повлечам од барањето за избори. Сите капацитети на ВМРО-ДПМНЕ ќе ги ставам на располагање да и помогнеме на владата да ги надмине предизвиците што оваа зима ќе се појават – безбедносни, енергетски и финансиски“.
Според Мицкоски, францускиот предлог не е преговарачка рамка со која се обезбедува европска иднина за земјава, туку е обид за асимилација и бугаризација.
“ВМРО-ДПМНЕ овие два документи вакви какви што се нема да ги прифати”, изјави Мицкоски.