Младински образовен форум распишува конкурс за учесници на работилница за улична уметност. Работилницата ќе се одржува во Скопје, во просториите на Младински образовен форум, во периодот од 20-ти до 23-ти септември, а ќе се одвива во периодот од 17 до 21 часот, со една пауза.
Целта на оваа работилница е да соедини млади, инспиративни и креативни луѓе кои имаат интерес за улична уметност, а ќе се фокусира на учeње на техника: стенсил во големи размери. По завршување на работилницата, финалниот производ ќе биде претставен на настан на 24-ти септември (сабота), кој е дел од кампањата за борба против ксенофобија .
Повикот е отворен за сите заинтересирани млади луѓе, а пријавувањето е најдоцна до 19-ти септември 2016 година, преку испраќање на порака на obuki@mof.org.mk.
Бројот на учесници е ограничен. Обуките се бесплатни и ќе се одвиваат на англиски јазик од страна на Стелиос Цивас, уметник од Кипар.
Повеќе информации можете да добиете на obuki@mof.org.mk или на 02/3139 692 лок 103, лице за контакт Бојана Низамовска.
