Повеќе од 30 летови беа откажани и над 40 доцнат во Москва поради неповолните временски услови, јави ТАСС.
Претходно, руското Министерство за вонредни ситуации издаде предупредување за силна виулица и лапавица во главниот град и околината.
На одредени места на патиштата се формирала голомразица, видливоста е намалена, а брзината на ветерот достигнува над 50 километри на час.
Министерството за вонредни ситуации предупреди за можни прекини во снабдувањето со електрична енергија, паѓање на дрва и оштетување на билборди, што може да доведе до застој на сообраќајот.
