Во 23 и 45 часот додека траеше емисијата „Тешки Муабети“ се случи голем инцидент во студиото на Инфомакс, каде непознато лице упаднало во студиото среде подкаст, објави екипата на Инфомакс .
Имено лицето најпрво почна да навредува, да се заканува по живот за потоа да ја скрши вратата од дворот која е со шифра, а потоа да ја скрши и влезната врата од студиотo каде се обиде физички да се пресмета со присутните.
Нападот е снимен од надзорните камери како и со уште една камера, информираат оттаму.
На фејсбук се огласи сопственикот и главен уредник на популарниот поткаст Александар Митовски.
“Партиска буала само што насилно влезе во редакцијата на Инфомакс и во мојот дом.
Се е снимено, и нападот и упадот и насилството.
Дечките од полиција брзо реагираа.
За се останато, ќе ја тераме до крај.
Продолжуваме со емисијата по полициските процедури.
Тие тврдат дека целиот напад на студиото и домот на Митовски е снимен, а полицијата реагирала брзо.”
