Новинарите кои известуваа од упадот во Собранието на 27. април ќе ја тужат државата, бидејќи не ги заштитила.
Во оваа иницијатива досега се вклучени 15 новинари, но таа е отворена за сите кои известувале тој ден: сниматели, фоторепортери, но и вработени во законодавниот дом.
Во граѓанска постапка ќе бараат надомест на штета и утврдување на одговорност на пратениците кои со преземање или непреземање на дејства учествувале во созадавањето на штетата. Судските трошоци сами ќе ги подмируваат, а ќе ги застапува адвокатско друштво.
Новинарот Боби Христов, еден од иницијаторите, информираше дека во моментов се во комуникација со правници и дека е можно тужбата да биде проширена и во граѓанска постапка да се утврди одговорноста на поединци во која со преземање или не преземање на одредени дејства придонеле до настанатата ситуација.
