Регулаторната комисија за енергетика одлучи од вечерва на полноќ, малопродажните цени на нафтените деривати да се намалат во просек за 7,51 отсто. Бензините поевтинуваат за 7 денари по литар, а цената на дизелот се намалува за 5,50 денари.
Согласно новата одлука на регулаторот, литар Еуросупер БС-95 од полноќ ќе се точи по цена од 86,00 денари, додека новата цена на Еуросупер БС-98 ќе изнесува 88,00 денари за литар.
Цената на Еуродизел БС се намалува за 5,50 денари и ќе изнесува 94,50 денари по литар. Екстра лесното масло за домаќинство поевтинува за 6,50 денари и новата малопродажна цена ќе биде 103,50 денари за литар. Мазутот М-1 НС бележи пад од 6,261 денари, со што неговата цена изнесува 49,312 денари за килограм.
