Копретседавачот на аналитичкиот институт Европски совет за надворешни работи Карл Билд престојува во Скопје на разговори со претставници на политичките партии во врска со кризата во Македонија. ВМРО-ДПМНЕ, СДСМ, ДУИ и Беса потврдија дека нивни претставници денеска ќе имаат средби со Билд. Од Кабинетот на претседателот на Македонија информираа дека било побарано Карл Билд да се сретне и со Ѓорге Иванов, но оти денешната негова агенда била поинаква.
