На 16 ноември, со почеток во 19 часот, во Чифте амам ќе биде отворена самостојната изложба „Уметноста на оддалеченоста“ (The Art of Distance) на академската сликарка Дита Старова-Ќерими.
Изложбата опфаќа 20 сликарски дела во кои авторката ги истражува односите меѓу блискоста и оддалеченоста, присуството и отсуството, како и поврзаноста меѓу човекот и природата. Преку експресивен колорит, динамични композиции и симболични цветни и човечки форми, таа создава визуелен израз на емоциите, сеќавањата и внатрешните човекови состојби.
Со оваа изложба, Старова-Ќерими повторно се претставува пред публиката во Чифте амам, отворајќи простор за уметнички дијалог и размислување за невидливите врски што го поврзуваат човекот со светот околу него.
