НУ Народен театар Битола ќе ја изведе премиерата на најновата театарска продукција – комедијата „Секстет“, во режија и адаптација на Марјан Георгиевски, на 25 април 2026 година во 20 часот на Големата сцена. Првата реприза е закажана за 27 април во истиот термин.
Претставата е современа сценска интерпретација според делото на Марк Камолети, која низ динамичен тек, недоразбирања и неочекувани ситуации ја истражува човечката природа. Се одликува со ансамбл-игра и јасна режисерска визија.
Во претставата играат: Николче Пројчевски, Катерина Аневска Дранговска, Александар Димитровски, Сандра Грибовска Илиевска, Марија Цветановска и Борче Ѓаковски.
Авторскиот тим го сочинуваат: Андреј Георгиевски – костимографија, Влатко Чачоровски – сценографија, Александар Димовски – музика, Горан Петровски – светло и Николче Терзиевски – тон. Дизајнот на постерот е на „Тхе Мичо“.
Претставата е наменета за публика над 16 години.
