Вести

Швајцарија ќе го повлече барањето за членство во ЕУ

Сподели:

shvajcarija

Горниот дом на швајцарскиот парламентот вчера одлучи да ја поддржи одлуката на Долниот дом да се повлече барањето за приклучување на Швајцарија кон Европската Унија.

Барањето за влез во ЕУ беше поднесено во мај 1992 година, но во декември истата година граѓаните на Швајцарија на референдум се изјаснија против влез во тогашната Европска економска зона.

Резултатите од последното истражување на јавното мислење во Швајцарија, објавено кон крајот на мај годинава, покажа дека Швајцарците го ценат независниот економски курс на земјата и не сакаат да бидат дел од ЕУ.

Анкетата покажала дека е намален бројот на приврзаниците на евроинтеграцијата. Годинава само 16 отсто од анкетираните се за влез во ЕУ, што е за пет отсто помалку во споредба со минатата година.

http://meta.mk/shvajtsarija-ke-go-povleche-baraneto-za-chlenstvo-vo-eu/

Сподели: