Скопје повторно се најде на врвот на светските листи според аерозагадувањето. Граѓаните дишат трипати повеќе штетни ПМ честички од максимално дозволените.
“Скопје гледано од Водно е постојано во кафеава измаглица, со постојани чадови, од бели до црни и сите нијанси измеѓу, кои се шират низ градов и го обвиткуваат. Живееме во отровна зона. Сликите кои кружат по социјалните мрежи се слики од постојано палење, за потоа да следи известување дека пожарна го изгаснала огнот, а инспекцијата не фатила никого или немале легитимација” – апелираат од О2 Иницијатива.
Загадувањето во земјава е сериозен проблем поради кој се губат се повеќе човечки животи покажува и статистиката на Институтот за јавно здравје. Годишно аерозагадувањето е причина за 1800 смртни случаи.
