Од 16 до 20 октомври, познати регионални и македонски стендап комичари ќе настапат во неколку градови низ Македонија, а повод за нивното доаѓање во нашата земја е учество на Златен Комеди Фест .
Турнејата ќе започне во недела на 16-ти октомври во клубот Јард (The Yard Lounge Bar) во Куманово.
Следниот ден настапуваат во Културно информативниот центар Романса во Македонска Каменица.
Во вторник на 18 октомври ќе учествуваат на првата вечер од Златен Комеди Фест кој ќе се одржи во Јавна Соба (Public Room) во Скопје.
Оттаму продолжуваат за Штип каде вечерта ќе ја насмеат публиката во Coffee Lab.
Турнејата ја завршуваат во четврток на 20 Октомври со учество на уште еден фестивал Ин Виница Веритас во Домот на културата во Виница.
Хуморот е заштитен знак на Продукција Златен Заб од Скопје. Тие изминативе неколку години навистина приредија незаборавни стендап шоа и емисии на најпознатите артисти од Македонија и од Балканот на македонската публика во живо и онлајн.
Во оваа октомвриска стендап турнеја и на првата вечер од Златен Комеди Фест ќе настапат комичарите Хазим Мујчиновиќ од Тузла, Срѓан Слијепчевиќ од Зрењанин, Јагода Јовановиќ од Белград и нашата Ивана Наскова.
На втората вечер од Златен Комеди Фест која ќе се одржи на 19ти Октомври исто во во Јавна Соба (Public Room) во Скопје ќе настапат македонските артисти: Надица Петрова, Импров групата Настап и Бојан Велевски.
Информации за настаните и билети има на веб страната на Златен Заб (www.zlatenzab.mk).
Златен Комеди Фест е поддржан од Град Скопје.
Пријатели на Златен Комеди Фест: Lukoil, Bovin Winery, Gjorgievi Dairy, Best Food TI, Vincinni, Vitalia Healthy Food, Sara Fashion, Sam’s Field/Pet Land, Hotel 7, Elita, Public Room, denesmagazin.mk, и Kvatro, Franck Macedonia, Bako, Dauti Komerc, Golden Eagle, Natural 100%, кои ќе им доделат на аритстите пакет производи.
